Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Магнус Карлсен шахматтан әлем чемпионы атағын төртінші рет қорғап шықты

2021 жылдың 11 желтоқсан 2021 10:56

ДУБАЙ. ҚазАқпарат – Магнус Карлсен 11-ші партияда Ян Непомнящийді ұтып, шахматтан әлем чемпионы титулын сақтап қалды, деп хабарлайды ҚазАқпарат Euronews ақпарат агенттігіне сілтеме жасап.

Жұма күні қара фигуралармен ойнаған норвегиялық шахматшы бұл жеңісінен кейін матчта 7,5 балл жинап, 3,5 балл жинаған ресейлік спортшыны жеткізбей қойды.

Бұл – 1993 жылы Гарри Каспаровтың Найджел Шортты ұтқан ойыннан кейін қол жеткен ең үлкен жеңіс.

Әлемдік шахмат коронасы үшін матч Дубай қаласында 26 қараша күні басталған.

Алғашқы бес партия тең ойынмен аяқталған, алтыншысында Карлсен ұтты. Сондай-ақ, норвегиялық спортшы Непомнящийді сегізінші және тоғызыншы партияларда жеңген.

«Әрине, жеңілдік сезініп отырмын. Жағдай бастапқыдан-ақ тым жайлы болғаннан кейін үлкен қуаныш сезіну қиын, бірақ... жалпы алғанда ойынға көңілім толды», - деді шахматтан әлем чемпионы Магнус Карлсен.

2013 жылы Вишванатан Анандтан тәжді алып қойған Карлсен шахматтан 16-шы әлем чемпионы атанды. Сол кезден бері ол өз атағын 4 рет қорғап шыққан.


Басты сөздер: Спорт, Әлем,
Жоғары қарай