Ауа райы
Астана -23 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Мағжанның «Педагогикасы» түрік тілінде жарық көрді

2020 жылдың 21 қыркүйек 2020 23:28

НҰР-СҰЛТАН. ҚазАқпарат - Ыстанбұл университеті Түрік тілі және әдебиеті кафедрасының оқытушысы Доцент Уғур Гүрсу Мағжан Жұмаевтың «Педагогика» кітабын түрікше жариялады, деп хабарлайды Қазақстанның Түркиядағы елшілігі.

Студент кезінде қазақ тіліне қызығушылығы басталған У. Гүрсу докторантурада оқып жүрген кезінде «Түрікше және қазақша мақал-мәтелдердің салыстырмалы анализі» атты диссертациясын қорғайды.

Қазақ әдебиетінің көрнекті өкілі Мағжан Жұмабаевтың «Педагогика» туындысының түрікшеге аударылмағанын байқап, аударма жұмыстарына кіріседі. Осылайша толағай еңбектің жемісі, Мағжан Жұмабаевтың «Педагогика» атты оқу құралы жуырда түрік оқырмандарына ұсынылды.

Оқу құралы педагогиканың жалпы мәселелеріне арналған. Сондай-ақ, кітапта психология және логика салалары туралы да ақпарат берілген. Сонымен қатар туындыда педагогика ілімі қазақ мәдениеті мен дәстүрлеріне сәйкес жазылған.

Жоғары қарай