Ауа райы
Астана -1 °С
Алматы 9 °С
валюта бағамы
USD 421.58
EUR 496.83
RUB 5.53
CNY 62.20

Маңғыстауда дельтаплан құлады

2020 жылдың 20 қыркүйек 2020 12:46

АҚТАУ. ҚазАқпарат - Маңғыстауда дельтаплан құлап, ер адам қолын сындырды. Оқыс оқиға Қарақия ауданында Шопан ата киелі орнына барар жолда болған. Бұл туралы Маңғыстау облысының Төтенше жағдайлар департаментінің баспасөз қызметі хабарлайды.

Ведомствоның хабарлауынша, Маңғыстау облыстық төтенше жағдайлар департаментіне қарасты дағдарыс жағдайларының басқармасына моторсыз ұшатын аппараттың құлағаны жайлы хабарлама келіп түскен.

«Дельтаплан құлап, соның салдарынан зардап шеккен 1988 жылғы азаматқа көмек көрсету үшін оқиға орнына құрамында 5 адамы бар құтқарушылар тобы барды. Екі қолы сынған азаматтың өз күшімен әрекет етуі мүмкін болмаған. Сол жерде зардап шеккен азаматқа алғашқы медициналық көмек көрсетіліп, альпинистік жарақтардың көмегімен оны жардан түсіріп, ауруханаға жеткізілді»,- деді Маңғыстау облысы Төтенше жағдайлар департаменті бастығының орынбасары Бекболат Әбдіқадіров.





Автор Қаракөз Марат
Басты сөздер: Маңғыстау облысы, Оқиға,
Жоғары қарай