Ауа райы
Астана -20 °С
Алматы -8 °С
валюта бағамы
USD 421.58
EUR 496.83
RUB 5.53
CNY 62.20

Мәжіліс сайлауы: 51 елде 66 сайлау учаскесі құрылды

2020 жылдың 27 қазан 2020 16:38

НҰР-СҰЛТАН. ҚазАқпарат - ҚР Парламенті Мәжілісі депутаттарын сайлауға орай әлемнің елінде 66 сайлау учаскесі құрылды. Бұл туралы бүгін ҚР Орталық сайлау комиссиясы төрағасының орынбасары Константин Петров айтты, деп хабарлайды ҚазАқпарат тілшісі.

«Қазақстан Республикасының шет мемлекеттердегі өкілдіктері жанынан әлемнің 51 елінде 66 сайлау учаскесі құрылды. Бұл тізімдерге тиісті шет мемлекетте тұратын немесе ұзақ мерзімді шетелдік іс-сапарда жүрген және республика азаматының жарамды төлқұжаты бар барлық азаматтар енгізіледі», - деді Константин Петров ОСК отырысында.

Оның айтуынша, шет мемлекеттерге жеке шақырумен, жұмыс, іскерлік, туристік сапармен барған Қазақстан азаматтары жарамды төлқұжатымен сайлау комиссиясына жүгінген кезде сайлаушылар тізіміне қосылатын болады.

«Тізім аталған өкілдіктердің басшылары ұсынған мәліметтер негізінде түзіледі. дауыс беру күнінің алдындағы жағдайға сәйкес, тізім міндетті түрде нақтылауға жатады. Сыртқы істер министрлігі Қазақстан Республикасы аумағынан тысқары жерде орналасқан сайлау комиссияларына шетелде жүрген азаматтарды тізімге қосу жұмысына көмек көрсетуі тиіс», - деді ол.


Жоғары қарай