Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Мексикада қарулы шабуыл салдарынан 11 адам қаза тапты

2021 жылдың 28 ақпан 2021 15:46

МЕХИКО. ҚазАқпарат – Мексиканың Халиско штатында болған қарулы шабуыл салдарынан 11 адам қаза тауып, тағы екеуі жарақат алды. Бұл туралы ҚазАқпарат Publimetro басылымына сілтеме жасап хабарлайды.

Келеңсіз жағдай Тонала муниципалитетінің астаналық Гвадалахара ауданында орын алған. Прокуратураның мәліметінше, бір топ ер адам үйдің жанында сыра ішіп тұрғанда, сол жерге жүк көлігін мінген белгісіз біреулер келіп, оқ жаудыра бастаған. Қаза болғандардың арасында бір жасөспірімнің бар екені атап өтіледі. Тағы екі адам – бір әйел мен бала оқ жарақатын алған, оларға медициналық көмек көрсетілді.

Оқиға болған ауданда күш құрылымдарының тікұшақтардың қатысуымен арнайы іс-шаралары жүргізілуде. Прокуратура тергеу ісін бастады.


Басты сөздер: Оқиға, Әлем,
Жоғары қарай