Ауа райы
Астана 8 °С
Алматы 12 °С
валюта бағамы
USD 443.50
EUR 479.47
RUB 5.79
CNY 62.51

Мектеп автобусы контейнерге соғылып, 5 бала ауруханаға түсті

2020 жылдың 25 ақпан 2020 18:53

ҚАРАӨТКЕЛ. ҚазАқпарат – Ақмола облысында мектеп автобусы контейнерге соғылып, 5 бала ауруханаға түсті, деп хабарлайды ҚазАқпарат Polisia.kz сайтына сілтеме жасап.

Оқиға бүгін таңғы сағат 07:30-дар шамасында Целиноград ауданы, Қараөткел ауылында болды.

«Setra» мектеп автобусын Нұр-Сұлтан қаласының тұрғыны жүргізген. Ол бала толы көлікпен ауыл іргесіндегі көшелердің бірінде тұрған контейнерді соққан. Салдарынан Нұр-Сұлтанның №2 қалалық ауруханасына түрлі жарақаттармен №69 мектептің 5 оқушысы жеткізілді. Қаза болғандар жоқ.

«Балаларға медициналық көмек көрсетілгеннен кейін, олар үйлеріне жіберілді. 62 жастағы автобус жүргізушісі ӘҚК-нің 610-бабы бойынша жауапқа тартылды», - делінген мәліметте.


Басты сөздер: Аймақ, Оқиға, Ақмола облысы,
Жоғары қарай