Ауа райы
Астана -2 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Мектеп оқушыларына арналған екі білім платформасы бірігіп жатыр

2020 жылдың 16 қыркүйек 2020 18:16

НҰР-СҰЛТАН. ҚазАқпарат – Мектеп оқушыларына арналған «Daryn.online» мен Kundelik.kz платформалары бірігіп жатыр, деп хабарлайды ҚазАқпарат тілшісі.

Орталық коммуникациялар қызметіндегі баспасөз мәслихатында білім беру платформаларын біріктіруге қатысты сұрақ қойылды.

Өз кезегінде «Daryn.online» білім беру платформасының өкілі Ержан Оңалбаев қазіргі кезде жүйені қолданушылар үшін платформаның көптігі қолайсыздау болып тұрғанын жеткізді.

«Орташа есеппен бір мектепте 4-5 платформа бар. Мұғалімдер мен оқушылар әр платформаның логині мен құпия сөзін есте сақтауы керек. Бұл өз кезегінде ыңғайсызду болып отыр. Осы орайда «Daryn.online» мен Kundelik.kz платформасы бірігіп, интеграция жасап жатырмыз. Ол қазан айының басында дайын болады. Бұл интеграция бізге және желіні қолданушыларға не береді? Осы ретте бір логин әрі құпия сөзбен «Daryn.online» мен Kundelik.kz платформасына бірден кіруге мүмкіндік береді», - деп түсіндірді Е. Оңалбаев.

Оның сөзіне қарағанда, алдағы уақытта «Daryn.online» платформасында бейне сабақтарды көріп болған соң, тест орындалады. Сонда жиналған ұпайлар Kundelik.kz платформасында көрініп тұрады.


Автор Руслан Ғаббасов
Басты сөздер: Білім, Интернет,
Жоғары қарай