Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Мемлекет басшысы ұсынған шараларды іске асырып, қысқа мерзімде елді қалпына келтіруге тиіспіз – Сенат депутаты

2022 жылдың 10 қаңтар 2022 11:40

НҰР-СҰЛТАН. ҚазАқпарат – ҚР Парламенті Сенатының депутаты Ғұмар Дүйсембаев халықты елдегі жағдайға қатысты Мемлекет басшысы қабылдап жатқан шұғыл шешімдерді қолдауға шақырды, деп хабарлайды ҚазАқпарат тілшісі.

«Елімізде қалыптасқан жағдай, Президенттің мәлімдемесі және оның халыққа үндеуі, сондай-ақ қабылдаған шұғыл шешімдердің астында өзіндік негіз бар. Өйткені, елді дүрліктірген теріс ниеттілер өз әрекеттері үшін міндетті түрде жауап беруі тиіс. Мемлекет басшысы ұсынған шараларды іске асырып, қысқа мерзімде елді қалыпқа келтіруге тиіспіз. Халық Президенттің тәртіп орнату туралы үндеуін қолдайды және түсіністікпен қарайды деп сенемін», - деді Ғұмар Дүйсембаев.

Оның айтуынша, елдегі жағдайды жақсарту үшін әр азамат өз үлесін қосу керек.

«Еліміздің біраз өңірлерінде әсіресе Алматы, Қызылорда, Шымкент қалаларында жағдай мүшкіл болды. Қаланы қиратып, тонады, бейбіт және әскерилер мен құқық қорғау органдарының өкілдері мерт болды. Олардың ішінде 18-19 жастағы сарбаздар да бар. Сондықтан да мен Мемлекет басшысы қабылдаған шешімдерді қолдауға шақырамын. Шұғыл шешімдер ел тыныштығы мен келешегі үшін қабылданып отыр. Ондағы мақсат – еліміздің әр азаматын қорғау», - дейді ол.


Жоғары қарай