Ауа райы
Астана 30 °С
Алматы 36 °С
валюта бағамы
USD 412.55
EUR 468.66
RUB 5.79
CNY 58.80

Мені жастардың бейқамдығы алаңдатады - Бақытжан Сағынтаев

2020 жылдың 11 шілде 2020 01:22

АЛМАТЫ. ҚазАқпарат - Алматы әкімі Бақытжан Сағынтаев жастарды карантин режимін сақтауға шақырды, деп хабарлайды ҚазАқпарат.

Әкімнің айтуынша, қазір қалада екі апталық карантин жалғасуда. «Жалпы Алматы эпидемияға қарсы тұра алуда. Медициналық қызметтің жұмысы қауырт. Десе де, босаңсуға болмайды. Инфекцияны еңсеріп, қаланың қалыпты тіршілігін қалпына келтіру үшін көп нәрсе істеу керек.

Қала тұрғындары санитарлық нормаларды сақтап, індетпен күресуге шындап кіріскені қуантады. Әлеуметтанушылардың мәліметі бойынша көптеген алматылықтар КВИ-дан сақтанудың неғұрлым «жеңіл» түрін қолдануда екен. Яғни, сауалнамаға қатысқан әрбір адам «үнемі қолын жуады немесе антисептиктерді пайдаланады екен» (95,9%). Аз, десе де көпшілігі қоғамдық орындарда маска киеді (82,8%)»,- деп жазды қала әкімі Facebook-тегі парақшасында.

«Бұл ретте мені, қаланың әкімі ретінде жастардың бейқамдығы алаңдатады. 25-тен 40 жасқа дейінгі әрбір бесінші жас қала тұрғыны немесе респонденттердің 25%-ы жұқтыру қаупін сезінбейді немесе мойындамайды.

Сондықтан жастарға және орта жастағы қала тұрғындарына айтарым, жиналыңдар! Санитарлық ереже барлығына міндетті. Бұл бейқамдық бізді орға жығады. Жақындарыңыз бен қаланың қауіпсіздігіне қауіп төндірмеңіздер.

Мемлекет басшысы Қ. К. Тоқаевтың айтуынша, індет — соғыстың бір түрі. Бұл қауіпті індет бейқамдықты кешірмейді. Біз бірлессек қана бұл дертті жеңе аламыз. Біздің басты қаруымыз — темірдей тәртіп. Індетке қарсы күресте ынтымағымыз үзілмесін», деп түйіндеді Бақытжан Сағынтаев.


Басты сөздер: Коронавирус, Медицина, Алматы,
Жоғары қарай