Ауа райы
Астана -2 °С
Алматы 3 °С
валюта бағамы
USD 421.58
EUR 496.83
RUB 5.53
CNY 62.20

Мейрам Пішембаев бизнесті қолдауға қатысты ұсыныс айтты

2020 жылдың 30 қыркүйек 2020 14:44

НҰР-СҰЛТАН. ҚазАқпарат – Мәжіліс депутаты Мейрам Пішембаев Қазақстандағы бизнесті қолдауға қатысты ұсыныс айтты, деп хабарлайды ҚазАқпарат тілшісі.

Еліміздің Премьер-Министрінің атына жолдаған сауалында депутат Қазақстан Президенті Қасым-Жомарт Тоқаевтың жолдауында өңдеу өнеркәсібінде өндіріс көлемін бес жылда кем дегенде 1,5 есеге арттыру міндетін қойғанын атап өтті.

Мейрам Пішембаев бұл тапсырысты орындауда жер қойнауын пайдаланушылардың сатып алуы шешуші рөл атқаратынын айтты.

«Олардың 2019 жылға арналған жалпы жылдық көлемі 8,2 трлн теңгені құрады, оның ішінде көмірсутегі шикізатын жер қойнауын пайдаланушыларды сатып алуға шамамен 7 трлн теңге, қатты пайдалы қазбалар 1,2 трлн теңге», - деді депутат Мәжілістің жалпы отырысында.

Сонымен бірге, ол тауарлардағы жергілікті қамту үлесі 10-12% -дан аспайтынын атап өтті. Депутат 2021 жылдың 1 қаңтарынан бастап қазақстандық өндірушілер үшін жер қойнауын пайдаланушыларды сатып алудағы жеңілдіктер жойылатынын еске салды.

«Тауарларда 0% - ға дейін, жұмыстар мен қызметтерде 50% - дан аспайтын, кадрларда 50% - дан аспайтын жергілікті қамту талаптары шектелетін болады. Отандық өндірушілер үшін тендерлерді өткізу кезінде 20% шартты жеңілдік беру нормасы, қазақстандық өндірушілерден бір көзден тауарларды сатып алу құқығы және тапсырыс берушілердің тауарлардағы жергілікті қамтудың міндетті үлесін талап ету мүмкіндігі алынып тасталады», - деді Мейрам Пішембаев.

Мәжілісмен мұның барлығы 2015 жылы Қазақстанның ДСҰ-ға (ВТО) кірген сәтінен бастап жергілікті қамту үлесінің төмендеуі аясында болып жатқанын атап өтті. Оның мәліметінше, 2014-2019 жылдар аралығында бұл көрсеткіш 12 пайызға, яғни 63 пайыздан 51 пйаызға дейін төмендеді.

Депутат әлемнің басқа елдерін мысалға келтірді.

«Ресейде жергілікті өндірушілерге сатып алу кезінде 15% шартты жеңілдік беріледі», - деді ол.

Мейрам Пішембаев мұндай жағдай қазақстандық бизнес үшін тең емес бәсекелестік жағдайларға алып келетінін мәлімдеді.

«Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстардың, қызметтердің және олардың өндірушілерінің тізілімі» электрондық алаңында тіркелген ондаған мың қазақстандық компания және жеке кәсіпкелер ішкі нарықтан ығыстыру қаупі алдында тұр.

Депутат Үкіметті дағдарыстан кейінгі қалпына келтіру және өсіп келе жатқан протекционизм жағдайында қолданыстағы шараларды сақтау мәселесін қарауға, сондай-ақ отандық өндірушілерді қолдаудың балама тетіктерін қарастыруға шақырды.


Жоғары қарай