Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Министр жас мамандарға: Ұлттық біліктілік тестін тапсырмай педагог бола алмайсыздар

2021 жылдың 27 мамыр 2021 20:15

НҰР-СҰЛТАН. ҚазАқпарат – ҚР Білім және ғылым министрі Асхат Аймағамбетов ендігі уақытта үміткерлер мұғалімдікке ұлттық біліктілік тестін тапсыру арқылы ғана қабылданатынын айтты, деп хабарлайды ҚазАқпарат тілшісі.

«Сертификаттау да - маңызды мәселе. №338 бұйрыққа өзгерістер енгізіліп жатыр. Биыл ғана бітірген, мұның алдында білім ордасында жұмыс істемеген, қатарымызға жаңадан қосылатын әріптестеріміз енді мектепке бірден келе алмайды. Ұлттық біліктілік тестілеуін тапсырып, тиісті баллды жинағандар ғана жұмысқа алынады. Ол сертификаттау деп аталады. Мектепке келгеннен кейін де комиссияға сабағын көрсетіп, тек дипломы ғана емес, оның артында білімі, тәжірибесі бар екендігін дәлелдейді. Бұл алғаш рет педагогикалық мамандыққа келіп отырған адамдарға ғана қатысты. Мұның алдында жұмыс істеп жүрген адамдарға қатысты емес. Сіздерге бұл мәселені қадап тұрып, жақсылап тұрып айтамын. Ертең түсінбеушілік болмасын», - деп ескертті Асхат Аймағамбетов республикалық педагогикалық кеңесте.


Жоғары қарай