Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Мұхтар Тілеуберді Астана және Қазақстан Митрополитімен кездесті

2021 жылдың 15 қараша 2021 20:30

НҰР-СҰЛТАН. ҚазАқпарат – Бүгін ҚР Премьер-Министрінің орынбасары - Сыртқы істер министрі Мұхтар Тілеуберді Астана және Қазақстан Митрополиті Александрмен кездесті, деп хабарлайды ҚазАқпарат ҚР СІМ-нің ресми сайтына сілтеме жасап.

М.Тілеуберді конфессияаралық келісімнің қазақстандық моделінің ерекше рөлін және биылғы 6 қазанда өткен Әлемдік және дәстүрлі діндер лидерлері съезі хатшылығының кезекті отырысының оң нәтижелерін атап өтті.

Митрополит Орыс православие шіркеуінің еліміздегі конфессияаралық келісімді нығайтуға қосқан үлесі туралы хабарлады.

Әлемдік және дәстүрлі діндер лидерлерінің VII съезі 2022 жылғы 14-15 қыркүйекте Нұр-Сұлтан қаласында өтеді. Алдағы съездің басты тақырыбы «Пандемиядан кейінгі кезеңде адамзат өркениетінің рухани және әлеуметтік дамуындағы әлемдік және дәстүрлі діндер көшбасшыларының рөлі».


Жоғары қарай