Ауа райы
Астана 5 °С
Алматы 10 °С
валюта бағамы
USD 421.58
EUR 496.83
RUB 5.53
CNY 62.20

Мұхтар Тілеуберді ресейлік әріптесімен ынтымақтастық мәселелерін талқылады

2020 жылдың 9 маусым 2020 18:33

НҰР-СҰЛТАН. ҚазАқпарат - Бүгін Сыртқы істер министрі Мұхтар Тілеуберді Ресей Федерациясының Сыртқы істер министрі Сергей Лавровпен бейнебайланыс режимінде келіссөз өткізді, деп хабарлайды ҚазАқпарат.

ҚР СІМ-нен мәлім еткендей, сыртқысаяси ведомстволардың басшылары саяси, экономикалық салалардағы, соның ішінде транзиттік-көліктік, энергетикалық және әскери-техникалық бағыттардағы Қазақстан-Ресей жан-жақты стратегиялық әріптестіктің ағымдағы жағдайы мен даму перспективаларын талқылады.

Тараптар сондай-ақ, ТМД, ЕАЭО, ҰҚШҰ, ШЫҰ, БҰҰ аясындағы кооперация мәселелерін қарастырды.

Екінші дүниежүзілік соғыстағы Жеңістің 75 жылдығына арналған салтанатты іс-шараларға қатысу үшін Қазақстан Президенті Қасым-Жомарт Тоқаевтың Мәскеуге алдағы сапарына дайындық мәселелері талқыланды.

«Сонымен қатар, М. Тілеуберді мен С. Лавров ағымдағы жылдың қараша айында Көкшетауда өтетін Қазақстан мен Ресейдің XVII Өңіраралық ынтымақтастық форумына дайындығын қарастырды», - деді ҚР СІМ-нен.





Жоғары қарай