Ауа райы
Астана 8 °С
Алматы 12 °С
валюта бағамы
USD 421.58
EUR 496.83
RUB 5.53
CNY 62.20

Мумбайдағы алапат нөсер: бірнеше аудан су астында қалды

2020 жылдың 4 тамыз 2020 12:57

НЬЮ-ДЕЛИ. ҚазАқпарат – Толассыз жауған муссон жаңбырының салдарынан Үндістанның «экономикалық астанасы» Мумбайдың бірнеше ауданын су басып қалды, деп хабарлайды ҚазАқпарат NDTV телеарнасына сілтеме жасап.

Телеарнаның хабарлауынша, дүйсенбіден бастап толассыз жауған жаңбыр мөлшері шамамен 230 мм болған.

Билік сейсенбі күні шұғыл қызметті қоспағанда, барлық офистер мен ғимараттарды жабу туралы шешім қабылдады. Автобус қатынасы шектелді, жергілікті пойыздар тоқтатылды. Қаланың бірнеше бөлігіндегі көшелер мен жолдар су астында қалды. Әсіресе Горегаон, Кинг-Серкл, Дадар, Шиваджи-Чоук қатты зардап шекті.

Синоптиктер қалада нөсер жаңбыр әлі де жаууы мүмкін екенін ескертті.


Басты сөздер: Әлем, Оқиға,
Жоғары қарай