Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Мұнай бағасы барреліне 108 доллардан асты

2022 жылдың 13 мамыр 2022 14:28

ЫСТАНБҰЛ. Анадолы-ҚазАқпарат – Жұма күні таңертеңгі саудада Brent маркалы мұнай бағасы барреліне 108,82 долларға дейін көтерілді. Бұл туралы ҚазАқпарат Анадолы ақпарат агенттігіне сілтеме жасап хабарлайды.

Бейсенбі күнгі саудада бұл маркалы мұнай баррелінің құны 108,71 долларға жеткенімен, күн соңында 107,45 доллар болды. 13 мамыр күні таңертеңгі жағдай бойынша элиталық мұнай маркасының бағасы 1,28 пайызға өсіп, барреліне 108,82 долларды құрады.

WTI маркалы мұнай фьючерстерінің құны барреліне 107,25 доллар болды.

«Қара алтынның қымбаттауы Ресей мен Украина арасындағы соғыс салдарынан энергия тасымалдаушылар жеткізілімінің төмендеу қаупімен байланысты», - делінген хабарламада.

Еуроодаққа мүше елдердің өкілдері Ресейден мұнай импортына тыйым салу үшін бірнеше елдің басшыларымен кездесулер өткізуде. Екінші жағынан, ресейлік мұнай өндірісінің құлдырауы әлемдік нарықта жеткізілім тапшылығына қатысты алаңдаушылықты күшейтті.

Халықаралық энергетика агенттігінің мәліметінше, сәуір айында ресейлік мұнай өндірісі тәулігіне шамамен 1 миллион баррельге азайды. Бұған Батыс санкциялары аясында мұнай өнімдері экспортының төмендеуі, ішкі сұраныстың азаюына байланысты мұнай өңдеу зауыттарының мұнайды әлдеқайда аз өңдеуі себеп болып отыр.


Жоғары қарай