Ауа райы
Астана -13 °С
Алматы 0 °С
валюта бағамы
USD 421.58
EUR 496.83
RUB 5.53
CNY 62.20

Нарынқолда Мұқағали Мақатаевқа ескерткіш орнатылады

2020 жылдың 26 қараша 2020 23:30

ТАЛДЫҚОРҒАН. ҚазАқпарат - Нарынқолда Мұқағали Мақатаевқа ескерткіш орнатылады, - деп хабарлайды ҚазАқпарат тілшісі.

Алматы облысының әкімі Амандық Баталов жаңадан құрылған Райымбек ауданының одан әрі дамуына бұдан әрі де жағдай жасалатынын айтып, Мұқағали Мақатаевтың 90 жылдығына тыңғылықты дайындық жасау керектігін айтты.

«Ақынның тойына жан-жақтан келген көпшілік Райымбек ауданының екі жыл ішінде қалай өсіп-өркендегенін де көріп қайтады. Сондықтан Қарасаз ауылында қандай нысандарды жөндеу керек, қандай көркейту жұмыстары жүргізілуі керек, мерейтой қалай өткізіледі, барлығын түгелдей қамтып, толыққанды жоспар жасау қажет», - деді А. Баталов.

Естеріңізге сала кетейік, келесі жылы ақиық ақын Мұқағали Мақатаевтың 90 жылдығына орай Қарасаз ауылындағы өнер мектебін қайта салу, осы ауылдағы Барманбекұлы атындағы мектепті жөндеу, елді мекенді абаттандыру шараларына қаржы қарастырылып, Нарынқолда ақынның ескерткішін қойылып, оның маңайы да толық абаттандырылмақ.


Жоғары қарай