Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Nur Otan партиясы Алматы филиалы төрағасының бірінші орынбасары тағайындалды

2021 жылдың 20 қаңтар 2021 13:16

АЛМАТЫ. ҚазАқпарат - Партияның Алматы қалалық филиалының төрағасы, қала әкімі Бақытжан Сағынтаев Бюро мүшелеріне Nur Otan партиясы қалалық филиалы төрағасының бірінші орынбасарын таныстырды. Бұл лауазымға 33 жастағы Мейіржан Отыншиев тағайындалды, деп хабарлайды ҚазАқпарат тілшісі.

Әл-Фараби атындағы ҚазҰУ-нің, Қарағанды экономикалық университетінің және Қазақстан Республикасы Президенті жанындағы Мемлекеттік басқару Академиясының түлегі Мейіржан Отыншиев 2019 жылдың наурыз айынан бастап Алматы қаласы Тұрғын үй саясаты басқармасы басшысының орынбасары болған.

Бюро мүшелері ұсынылған кандидатураны бірауыздан қолдады. Партиялық жобалар мен бастамалардың нақтылы орындалуын еске салды. Сондай-ақ, партияның Алматы қалалық филиалының сайлауалды бағдарламасындағы орындалуы тиіс міндеттердің бірі – үкіметтік емес ұйымдармен және қоғамдық пікірдің көш басшыларымен сындарлы диалогты одан әрі жалғастыру екені атап өтілді.

Алматы әкімі Бақытжан Сағынтаев қалалық мәслихаттың хатшысы болып сайланған Станислав Канкуровқа атқарған жұмысы үшін алғысын білдірді.

Еске салсақ, қазір Nur Otan партиясының Алматы қалалық филиалында 59 мың партия мүшесі бар. Олар мегаполистің барлық сегіз ауданындағы 672 бастауыш партия ұйымдарына біріктірілген.


Автор Гүлмира Ғосманәли
Басты сөздер: Тағайындау, Алматы,
Жоғары қарай