Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Нұр-Сұлтан емханаларында жоспарлы емдеу уақытша тоқтатылды

2021 жылдың 22 шілде 2021 12:45

НҰР-СҰЛТАН. ҚазАқпарат – Астанада эпидемиологиялық ахуалдың ушығуына байланысты қалалық ауруханалар инфекциялық режимге ауыстырылып жатыр, деп хабарлайды ҚазАқпарат тілшісі.

Нұр-Сұлтан қаласы қоғамдық денсаулық сақтау басқармасының басшысы Тимур Мұратов әкімдіктің онлайн брифингісінде осындай мәлімет берді.

«Аурудың өсуіне байланысты қалалық ауруханаларды инфекциялық ретінде қайта бейімдеуге және әзірге күндізгі стационардың жұмысын, жоспарлы емдеуге жатқызуды тоқтатуға тура келеді. Осылайша, басқа медициналық клиникаларда түрлі профильдер бойынша науқастарды ауруханаға жатқызу жүктемесі сезінеді», - деді Тимур Мұратов.

Оның сөзіне қарағанда, аталған жайттардың бәрі қалада коронавирус инфекциясымен ауыратындардың саны күн сайын артып келе жатқанын көрсетеді.

«Біз төсек санын көбейтуге және адами ресурстарды ұлғайтуға мәжбүрміз. Өткен тәулікте 333 адам жатқызылды.Бар инфекциялық төсек-орынның 1 006-сы ғана бос, оның ішінде 62 реанимациялық төсек-орын. Жансақтау бөлімінде 230 науқас, КВИ-мен – 203 адам. Өте ауыр хәлде – 70 науқас, ал 47 адам өкпені жасанды желдету апаратында жатыр», - деді басқарма басшысы.


Жоғары қарай