Ауа райы
Астана -8 °С
Алматы -11 °С
валюта бағамы
USD 421.58
EUR 496.83
RUB 5.53
CNY 62.20

Нұр-Сұлтан мен Тараздағы спорт мекемелеріне Жақсылық Үшкемпіровтің есімі берілді: Қаулы жарияланды

2020 жылдың 3 желтоқсан 2020 14:55

НҰР-СҰЛТАН. ҚазАқпарат – ҚР Үкіметінің басшысы Асқар Мамин Нұр-Сұлтан қаласы мен Жамбыл облысындағы спорт нысандарына Жақсылық Үшкемпіровтің есімін беру туралы Қаулыларға қол қойды, деп хабарлайды ҚазАқпарат primeminister.kz-ке сілтеме жасап.

«Нұр-Сұлтан қаласындағы «Жекпе-жек» жекпе-жек сарайының атауы Жақсылық Үшкемпіров атындағы жекпе-жек сарайы болып өзгертілсін. Осы қаулы алғашқы ресми жарияланған күнiнен бастап қолданысқа енгiзiледi», - делінген құжат мәтінінде.

Сондай-ақ Премьер-Министрдің тағы бір Қаулысымен Жамбыл облысы әкімдігінің дене шынықтыру және спорт басқармасына қарасты «Тараз-Арена» шаруашылық жүргізу құқығындағы коммуналдық мемлекеттік кәсіпорнына Жақсылық Үшкемпіровтің есімі берілді. Қаулы алғашқы ресми жарияланған күнінен бастап қолданысқа енгізіледі.

Еске салайық, елордадағы Жекпе-жек сарайына даңқты балуан, Олимпиада чемпионы Жақсылық Үшкемпіровтің есімін беру шешімі қалай қабылданғанын Президенттің баспасөз хатшысы Берік Уәли айтып берген болатын.

Грек-рим күресiнен тұңғыш Олимпиада чемпионы, Әлем чемпионы, Қазақстанның еңбек ерi, «Барыс», «Құрмет» «Парасат» ордендерінің иегері Үшкемпiров Жақсылық Әмiрәлiұлы 1951 жылы 6 мамырда Қазақ КСР, Жамбыл облысы, Свердловск ауданы, Чапаев кеңшарында дүниеге келген. Биылғы 2 тамызда мезгілсіз өмірден өтті.




Жоғары қарай