Ауа райы
Астана 28 °С
Алматы 34 °С
валюта бағамы
USD 412.55
EUR 468.66
RUB 5.79
CNY 58.80

Нұр-Сұлтанда көпбалалы аналар велосипедті 50% жеңілдікпен жалға алады

2020 жылдың 2 шілде 2020 14:52

НҰР-СҰЛТАН. ҚазАқпарат - Елордада велосипедті жалға беру қызметін бұдан былай көпбалалы аналар мен соғыс ардагерлері жеңілдікпен пайдалана алады, деп хабарлайды ҚазАқпарат.

Бұл жөнінде City Transportation Systems компаниясы мәлімет таратты.

«Елорда велосипедшілері үшін жақсы жаңалық. 1 шілдеден бастап жеңілдік ала алатындар саны көбейеді. Енді 50% жеңілдікті тек студенттер, зейнеткерлер мен ерекше қажеттілігі бар адамдармен қоса, тағы бірқатар санаттар ала алады» деп мәлім етті компания.

50% жеңілдік берілетін азаматтар:

- Екінші дүниежүзі соғысы ардагерлері мен мүгедектерi және соларға теңестiрiлген адамдар;

- Ауған соғысы ардагерлері;

- Көпбалалы аналар;

- Көпбалалы отбасылар;

- Ерекше қажеттілігі бар балалар, соның ішінде ата-анасының біреуі (заңды өкіліне);

- Барлық топтағы мүгедектер.

Айта кету керек, жеңілдік тек Нұр-Сұлтан қаласында тіркелген және тұрақты тұратын азаматтарға беріледі. ⠀

Абонемент жеңілдікпен бірге мынанша тұрады:

Маусымдық - 5 000 тг.

Тоқсандық - 3 000 тг.

Еске сала кетейік, елордалық велосипед жалдау қызметін 16 жастан бастап пайдалануға болады.

«Көпбалалы отбасылар» санаты бойынша жеңілдік мемлекеттік жәрдемақы алатын ата-ананың біреуіне беріледі. Сондай-ақ ол CTS жеңілдігі бар тұлғалар базасында болуға тиіс.


Жоғары қарай