Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Нұр-Сұлтанда коронавирустың 4585 белсенді ошағы тіркелді

2021 жылдың 22 шілде 2021 13:19

НҰР-СҰЛТАН. ҚазАқпарат – Нұр-Сұлтан қаласы бас санитар дәрігерінің орынбасары Жанна Пралиева коронавируспен ауырып жатқан елордалықтардың жас құрамы туралы мәлімет берді, деп хабарлайды ҚазАқпарат тілшісі.

«Науқастардың 80 пайызы ересектер, 16,6 пайыз балалар және 2,7 пайызы жасөспірімдер. Ересек науқастарға тоқталсақ, науқастардың 22,6 пайызын 30-39 жас арасындағылар, 40-49 арасындағы адамдар 13,9 пайызын, 50-59 жас арасындағылар 14,1 пайызын, 18-29 арасындағылар 16,2 пайызын, 60-тан асқандар 13,7 пайызын құрайды», - деген бас санитардың орынбасары әкімдіктің онлайн брифингісінде.

Оның айтуынша, қазіргі таңда белсенді ошақтардың саны 4585-ке жеткен.

«Оның ішінде 2871-і үйдегі ошақ. Науқаспен байланыста болғандардың саны – 3122 адам. Вирустың қарқын алуындағы басты себептердің бірі дельта-штамның пайда болуы екенін білесіздер», - деді Данна Пралиева.


Жоғары қарай