Ауа райы
Астана 7 °С
Алматы 21 °С
валюта бағамы
USD 421.58
EUR 496.83
RUB 5.53
CNY 62.20

Нұр-Сұлтанда мыңнан аса адам қаржы пирамидасының құрбаны болды

2020 жылдың 4 тамыз 2020 03:38

НҰР-СҰЛТАН. ҚазАқпрат – Елордада «Астана Раушан касса айналымы» атты қаржы пирамидасының заңсыз қызметінің жолы кесілді. Бұл туралы ҚазАқпарат Қаржы мониторингі комитетіне сілтеме жасап хабарлайды.

Аталмыш пирамида 2020 жылдың қаңтар айында елорда тұрғынымен құрылған, ал ол алаяқтықпен жеке тұлғалардың қаражатын иемденіп отырған. Құрылу уақытынан бастап қаржы пирамидасының құрығына мыңнан астам Қазақстан Республикасының азаматы түсті.

Қазіргі таңда аталған факт бойынша ҚР ҚК 217-б. 2-б. 4-т. сәйкес сотқа дейінгі тергеу ісі жүргізілуде (ірі мөлшерде ақшаны тарта отырып, қаржылық пирамиданы құру және оған басшылық ету).

Жоғарыда көрсетілген қаржы пирамидасының заңсыз әрекетінен жапа шеккендерді Нұр-Сұлтан қаласы бойынша Экономикалық тергеу департаментіне жүгінуін сұраймыз (Желтоқсан көш., 43, тел. 31-61-45, ұялы тел. 8-701-218-5318, 8-701-888-9316).


Басты сөздер: Нұр-Сұлтан, Қылмыспен күрес,
Жоғары қарай