Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Олимпиада чемпионы Ниджат Рахимов допинг дауына қатысты мәлімдеме жасады

2021 жылдың 20 қаңтар 2021 14:25

НҰР-СҰЛТАН. ҚазАқпарат – Қазақстандық ауыр атлет, Рио Олимпиадасының чемпионы Ниджат Рахимов допинг дауына қатысты мәлімдеме жасады. Мәлімдемені ол Instagram парақшасында жариялады, деп хабарлайды ҚазАқпарат тілшісі.

«Достар, кеше кешке менің атыма жарияланып жатқан айыптар жөнінде хабарлама алдым. Меніңше, мұндай жаңалық кезекті жарысқа дайындалып жатқан кез келген атлет үшін тосын оқиға болары анық. Маған қандай да бір тыйым салынған затты қабылдағаным үшін айып тағып отырған жоқ. Кез келген кәсіби спортшы ретінде маусым бойы мен бірнеше рет допинг сынамасын өткіземін. Кіші дәретіме ары қарай не болатынын мен білмеймін. Одан арғы шаруа бізді тексеретін тестілеуші органдардың жауапкершілігінде. Достар, мен қол қусырып, бөтен адамның айыбын мойныма алғалы отырған жоқпын. Жеңіске жеткен күні мыңдаған қазақстандықтың қуанғаны мені шабыттандырды. Менің сенімді достарым ретінде бүгін де мен сондай қолдауға ие боларыма күмәнім жоқ. Мен адал спортты қолдаймын. Әзірге Халықаралық тест агенттігіне түсінік беруім керек. Ол жерде жоғарыда айтқандарымның бәрін де баяндап беремін», - деп жазды Ниджат Рахимов.

Еске сала кетсек бұған дейін Ниджат Рахимов допингке қарсы ережелерді бұзды деген күдікпен уақытша спорттан шеттетілген еді.

Ниджат Рахимов 2016 жылы зәр талдауын алмастырды деп айыпталуда. Дәл осындай айыппен 2017 жылғы Еуропа чемпионы Думитру Каптари да спорттан уақытша шеттетілген болатын.


Автор Аян Бекенұлы
Басты сөздер: Олимпиада, Қоғам, Спорт,
Жоғары қарай