Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Орал қаласында сынапқа ұқсас белгісіз зат табылды

2021 жылдың 11 маусым 2021 18:58

ОРАЛ. ҚазАқпарат – Орал қаласында сынапқа ұқсас белгісіз зат табылды, деп хабарлайды ҚазАқпарат тілшісі.

Орал қаласы әкімдігі мәлім еткеніндей, оқиға 2 маусым күні Желтаудағы (Свистун гора) қалалық зират аумағында болды.

Қалалық зират аумағында салмағы 1 келідей белгісіз заттың көмілгені анықталды. Алдын ала мәлімет бойынша алмұрт пішіндес ыдыста (контейнерде) улылығы жоғары сынап болған.

«БҚО ТЖ департаменті табылған жерді химиялық өңдеуден өткізді. Санитарлық-эпидемиологиялық станса қызметкерлері сынап буының ауадағы бөлінуін өлшеп, оның қалыпты мөлшерден аспағанын анықтады. Яғни адамдар өміріне қауіп жоқ. Табылған ыдыс (контейнер) жойылғанға дейін уақытша сақтау үшін БҚО экология департаментіне берілді. Төтенше жағдайлар жөніндегі комиссияның 3 маусымдағы кезектен тыс отырысының шешімімен жергілікті жағдайдағы төтенше жағдай жарияланды. Бұл табылған затты тасымалдау және жою бағытында шаралар қабылдау үшін тиісті іс-шара болып табылады», деп хабарлады ведомстводан.


Жоғары қарай