Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Оралда әткеншектің құлауы: Балалардың жағдайы белгілі болды

2021 жылдың 3 мамыр 2021 12:58

ОРАЛ. ҚазАқпарат – Оралда қалалық саябақтағы әткеншектен құлаған балалардың жағдайы белгілі болды, деп хабарлайды ҚазАқпарат тілшісі.

БҚО денсаулық сақтау басқармасының баспасөз қызметі мәлім еткеніндей, қалалық мәдениет және демалыс саябағында кеше болған оқиға салдарынан 8 бала зардап шекті.

«Балалар көптеген дене жарақаттарын алған. Жедел жәрдем оларды облыстық көпбейінді ауруханаға жеткізді. Дәрігерлер қарағаннан кейін балалардың миы шайқалмаған және сынық жарақаттарын алмаған болып шықты. Бәрі де медициналық көмек көрсетілгеннен амбулаторлық ем алуға жіберілді», деп хабарлады ведомстводан.

Кейін белгілі болғанындай, аттракционның істен шығуына байланысты қатты жылдамдықпен айналып тұрған әткеншек кілт тоқтап қалып, балалар содан жарақат алған.

БҚО полиция департаменті осы оқиға байланысты аттракцион иесіне қатысты ҚР ҚК 306-бабы 2-бөлігіне (қауiпсiздiк талаптарына сай келмейтін тауарларды шығару немесе сату, жұмыстарды орындау не қызметтер көрсету) сәйкес қылмыстық іс қозғалғанын жеткізді.

Еске сала кетейік, бұдан бұрын Оралда қалалық саябақтағы аттракционнан 8 бала құлап кеткенін жазған болатынбыз.




Жоғары қарай