Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Оралда аурухана жертөлесінен өрт шығып, 28 науқас эвакуацияланды

2021 жылдың 25 мамыр 2021 19:41

ОРАЛ. ҚазАқпарат - Оралда аурухана жертөлесінен өрт шығып, 72 қызметкер, 28 науқас эвакуацияланды, деп хабарлайды ҚазАқпарат тілшісі.

БҚО ТЖ департаментінің баспасөз қызметінен түскен мәліметке қарағанда, оқиға 25 мамыр күні сағат 15.10-да Е.Орақбаев көшесі 12-мекенжайында орналасқан «Талап» АҚ клиникасында болды.

Өрт сөндірушілер жедел жеткен кезде жертөле түтінге оранып, электр қалқанының (10 шаршы метр) жанып жатқаны анықталды.

Ауруханадан 72 қызметкер, 28 науқас эвакуацияланды.

Зардап шеккендер жоқ.

«Тілсіз жау» 15.46-да оқшауланып, 15.56-да толықтай ауыздықталды.

Өртті сөндіруге 32 қызметкер 10 техникамен жұмылдырылды.

Еске сала кетейік, бұдан бұрын БҚО-да 17 жасар жасөспірімнің суға кеткенін жазған болатынбыз.











Жоғары қарай