Ауа райы
Астана 24 °С
Алматы 18 °С
валюта бағамы
USD 412.55
EUR 465.73
RUB 5.79
CNY 58.91

Оралда екі автокөлік түйісіп, 2 адам зардап шекті

2020 жылдың 31 мамыр 2020 23:54

ОРАЛ. ҚазАқпарат – Оралда екі автокөлік түйісіп, біреуі арыққа түсіп кетті, деп хабарлайды ҚазАқпарат тілшісі.

Зардап шеккен екі адамның жағдайы орташа ауыр.

БҚО полиция департаментінің ресми өкілі Болатбек Белгібековтің айтуынша, оқиға бүгін сағат 16.10-да 8 наурыз бен Карев көшелерінің қиылысында болды.

«Ауди» мен «ВАЗ-2110» автокөліктері соқтығысқан. Соның салдарынан «ВАЗ-2110» автокөлігі арыққа түсіп кеткен. Осы көліктің жүргізушісі мен оның жүкті әйелі жарақат алып, жедел жәрдеммен облыстық көпбейінді ауруханаға жеткізілді.

Алдын ала мәлімет бойынша жол ережесін «Ауди» автокөлігінің жүргізушісі бұзған.

Қазіргі кезде оқиғаның жай-жапсары анықталу үстінде.

БҚО денсаулық сақтау басқармасы жол-көлік оқиғасынан ер адам мен оның аяғы ауыр зайыбы жарақат алғанын растады.

Еске сала кетейік , бұдан бұрын Батыс Қазақстанда жол апатынан екі адамның қаза тауып, төртеуінің ауыр жарақат алғанын жазған болатынбыз.



Жоғары қарай