Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Өскеменде Оралхан Бөкейдің жаңа мүсіні орнатылды

2021 жылдың 21 қыркүйек 2021 16:52

ӨСКЕМЕН. ҚазАқпарат – Өскемен қаласында жазушы Оралхан Бөкейдің қоладан құйылған жаңа мүсіні орнатылды, деп хабарлайды ҚазАқпарат тілшісі.

Бүгін Жібек маталар комбинаты ықшамауданында мұзтаудың мұзбалағы Оралхан Бөкейдің жаңа мүсінінің ашылу салтанаты өтті. Жастар мен Өтепов көшелерінің қиылысында орналасқан мүсіннің тұғыры граниттен жасалған. Жалпы биіктігі – 4,8 метр.

«Осы уақытқа дейін бұл тұғырда фибробетоннан жасалған кеудемүсін тұрды. Оның сапасы көңіл көншітпеді. Соған орай қоладан жаңа мүсін орнатуды жөн көрдік. Мүсін авторлары Нұрбол Қалиев пен Мейрам Баймұханов», - деді Өскемен қаласының әкімі Жақсылық Омар.

Айта кетейік, Оралхан Бөкейдің кеудемүсіні Жібек маталар комбинаты ықшамауданында 2013 жылы орнатылған болатын. Дəл осы ауданда қаламгердің аты берілген №44 мектеп бар.


Жоғары қарай