Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Өскеменде өрт шыққан көпқабатты үйден 55 адам құтқарылды

2021 жылдың 10 желтоқсан 2021 21:55

ӨСКЕМЕН. ҚазАқпарат – Өскемен қаласында өрт шыққан көпқабатты үйден 55 адам құтқарылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, бүгін сағат 16.23-те Сәтбаев даңғылында орналасқан 10 қабатты тұрғын үйде өрт шыққан. Оқиға орнына шұғыл жеткен құтқарушылар екінші қабаттағы пәтердің төбесі, жеке заттар мен жиһаз жанып жатқанын көрді.

«Олар 55 адамға, оның ішінде 18 балаға оттегі маскасын кигізіп, автосаты арқылы құтқарды. Олар жылы «Вахта» көлігіне орналастырылды. Пәтер иесінің 7 жасар қызы күйген аазық түлікті жеп улану белгілерімен ауруханаға жеткізілген», - делінген ақпаратта.

Көп ұзамай жалпы ауданы 35 шаршы метрді құраған тілсіз жау толықтай ауыздықталды. Өртті сөндіруге жеке құрамнан 38 адам мен 12 техника жұмылдырылған. Жалынның шығу себебі анықталуда.














Жоғары қарай