Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Өткен айда жеке тұлғаларға берілген кредит көлемі 10 трлн теңгеден асқан

2022 жылдың 31 қаңтар 2022 19:17

НҰР-СҰЛТАН. ҚазАқпарат – ҚР Ұлттық банкі кредит нарығының желтоқсан айындағаы жағдайына шолу жасады, деп хабарлайды ҚазАқпарат тілшісі.

Ұлттық банктің ресми сайтындағы мәлімет бойынша, 2021 жылдың соңғы айында банктердің экономиканы кредиттеу көлемі 3,7% ұлғайып, 18 трлн 497,7 млрд теңге болған (жылдық мәнде өсім – 26,5%). Заңды тұлғаларға берілген кредит көлемі бір айда 7 трлн 758,8 млрд теңгеге дейін немесе 3,5%, ал жеке тұлғаларға берілген несие көлемі 10 трлн 738,8 млрд теңгеге дейін немесе 3,8% артқан.

«Ұлттық валютадағы кредиттер көлемі бір айда 16 трлн 588,2 млрд теңгеге дейін немесе 3,8% ұлғайды. Оның ішінде заңды тұлғалардікі 3,8%, жеке тұлғалардікі 3,9% өсті. Шетел валютасындағы кредиттер көлемі 1 трлн 909,5 млрд теңгеге дейін немесе 2,6% ұлғайды. Оның ішінде заңды тұлғалардікі 2,6% өссе, жеке тұлғалардікі 0,9% төмендеді. Желтоқсанның соңында теңгемен берілген кредиттердің үлес салмағы 89,7% (2020 жылғы желтоқсанда – 87,0%) болды», - деп жазылған ресми мәліметте.

Ұлттық банк сайтының жазуынша, ұзақ мерзімді кредиттер көлемі бір айда 16 трлн 30,5 млрд теңгеге дейін немесе 3,9%, қысқа мерзімді кредиттер көлемі – 2 трлн 467,2 млрд теңгеге дейін немесе 2,7% ұлғайған.


Оның ішінде шағын кәсіпкерлік субъектілеріне желтоқсан айында 3 трлн 772,2 млрд теңге кредит (жалпы корпоративтік сектор кредиттердің 48,6%-ы) берілген.

Ал банктік емес заңды тұлғаларға ұлттық валютамен берілген кредиттердің орташа сыйақы мөлшерлемесі 12,2% (2020 жылғы желтоқсанда – 11,4%), жеке тұлғаларға – 17,5% болған (14,9%).


Жоғары қарай