Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Өзбекстанда 1,1 миллионнан астам адам вакцинаның бірінші компонентін алды

2021 жылдың 21 мамыр 2021 22:11

ТАШКЕНТ. ҚазАқпарат – Өзбекстанда екпе кампаниясының басынан COVID-19-ға қарсы вакцинаның 1,5 миллионнан астам дозасы пайдаланылды, деп хабарлайды ҚазАқпараттың меншікті тілшісі Өзбекстан Республикасының Денсаулық сақтау министрлігіне сілтеме жасап.

Ведомствоның дерегінше, бүгінгі күні елде вакцинаның 1 512 421 дозасы пайдаланылған. 1 151 313 өзбекстандық бірінші дозаны алса, екінші дозаны алғандар саны – 358 108.

Өңірлер арасында бүрынғыша Ферғана облысы көш бастап тұр, онда 204 065 адам екпе алған. Одан кейін рейтингте Әндіжан облысы. Онда 189 110 адам екпе алған. Наманган облысы – 168 835 және Самарқан облысы – 149 560 екпе алғандар.

Еске сала кетейік, Өзбекстанда екпе кампаниясы 1 сәуірден басталды. Тұрғындарды вакциналау ауқымы бірте-бірте көбеюде: сәуірде ірі қалалар тұрғындары екпе алса, мамырда аудан орталықтары мен кіші қалалар тұрғындарын вациналау жалғасуда. Маусымда ауылдық жерлер тұрғындарына екпе салу жоспарланып отыр. Вакциналау үш препаратпен жүзе асады: еуропалық AstraZeneca вакцинасы, қытай-өзбек ZF-UZ-VAC2001 вакцинасы және ресейлік «Спутник-V». Бар болғаны үш айдың ішінде елде 4 миллион адамды вакциналау көзделіп отыр.


Жоғары қарай