Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Өзбекстанда коронавирус жұқтырғандардың саны күрт өсіп, антирекорд орнады

2021 жылдың 22 сәуір 2021 19:43

ТАШКЕНТ. ӨзА – ҚазАқпарат – Өзбекстанда соңғы тәулікте коронавирус жұқтырғандардың саны күрт өскені байқалды. Бұл туралы ҚазАқпарат ӨзА агенттігіне сілтеме жасап хабарлайды.

Денсаулық сақтау министрлігінің мәліметінше, 21 сәуірде Өзбекстанда 384 адамға коронавирустық инфекция диагнозы қойылды. Бұл 2021 жылғы жаңа антирекорд. Қазір елдегі тіркелген коронавирус жұқтырған азаматтар саны 87 935-ке жетті.

Аймақтар арасында ең көп вирус жұқтыру көрсеткіші Ташкенттен кейінгі (207 адам) кезекте Самарқанда байқалған – 73 адам.

21 сәуірде 290 кісі індеттен сауығып, бүгінге дейін аурудан айыққандар саны 85 007 (97 пайыз) жеткен.

Қазіргі уақытта республикада 2288 науқас ауруханада дәрігерлер бақылауында қалуда. Олардың 238-ның жағдайы ауыр, 113 науқастың хәлі өте ауыр екендігі айтылған.


Басты сөздер: Өзбекстан, Коронавирус,
Жоғары қарай