Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Өзбекстанда Ұлттық паралимпиада комитеті құрылды

2021 жылдың 19 мамыр 2021 19:55

ТАШКЕНТ. ҚазАқпарат – Өзбекстанда Ұлттық паралимпиада комитеті құрылды. «Паралимпиадалық қозғалысты дамыту бойынша қосымша шаралар туралы» тиісті қаулыға 18 мамырда Өзбекстан президенті Шавкат Мирзиеев қол қойды, деп хабарлайды ҚазАқпарат УзА-ға сілтеме жасап.

Комитет Өзбекстанның Ұлттық паралимпиадалық қауымдастығы негізінде құрылады. Паралимпиадалық комитетке Өзбекстанның барлық өңірлері мен қалаларында паралимпиадалық спорт орталықтары мен клубтарын құру, паралимпиадалық спорт түрлері бойынша жаттықтырушыларды, нұсқаушы-әдіскерлерді және басқа да мамандарды қайта даярлаудың, біліктілігін арттырудың және кәсіби дамытудың заманауи жүйесін әзірлеу және енгізу міндеті жүктелген.

Республикада паралимпиадалық спорт түрлері бойынша мамандар даярлау институты және Өзбек мемлекеттік дене шынықтыру және спорт университетінің паралимпиадалық факультеті құрылады. «Паралимпия» кафедрасы, сондай-ақ «Бейімделгіш сауықтыру, дене тәрбиесі және спорт» магистратура мамандығы ашылады.

2021 жылғы 1 қыркүйектен бастап Өзбекстанда «Барлығына арналған спорт» жобасы іске қосылады. Оның аясында жыл сайын 3 желтоқсанда – Халықаралық мүгедектер күні республикалық параспорттық фестиваль өткізіледі деп жоспарлануда.


Басты сөздер: Олимпиада, Спорт, Өзбекстан,
Жоғары қарай