Ауа райы
Астана 14 °С
Алматы 13 °С
валюта бағамы
USD 405.69
EUR 455.51
RUB 5.72
CNY 57.42

Пәкістанда жолаушылар ұшағы апатқа ұшырады

2020 жылдың 22 мамыр 2020 16:58

КАРАЧИ. ҚазАқпарат – Pakistan International Airlines (PIA) жолаушылар ұшағы бүгін, 22 мамырда Карачи қаласына жақын маңда апатқа ұшырады, деп хабарлайды ҚазАқпарат Dispatch News Desk (DND) басылымына сілтеме жасап.

DND мәлімет бойынша, ұшақ бортында 95 жолаушы болған. Агенттік экипаж мүшелерінің саны туралы мәлімет бермеген.

Жолаушылар ұшағы Пәкістанда үлкендігі бойынша екінші саналатын Лахор қаласынан Синд провинциясының орталығы Карачиге бағыт алған.

Джинна халықаралық әуежайына қонуға аз қалғанда ұшақ құлады. Болжам бойынша апатқа техникалық ақау себеп.

Дереккөздерге сілтеме жасаған DND, ұшақтың тұрғын үй аумағына құлағанын мәлім етті. Ұшақтың құлауы салдарынан бірнеше үйге зақым келген.

Пәкістан әскері оқиға орнына жетті.


Басты сөздер: Оқиға, Әлем,
Жоғары қарай