Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Паралимпиада: Қазақстан құрамасы 32-орында келеді

2021 жылдың 30 тамыз 2021 01:01

ТОКИО. ҚазАқпарат - Жапония астанасы Токиода өтіп жатқан Паралимпиада ойындарында қазақстандық спортшылар жалпы командалық есепте 32-орында келеді, деп хабарлайды ҚазАқпарат.

Қазірге дейін ел құрамасы қоржынына төрт медаль түсті.

Айта кетейік, бұдан бұрын ел құрамасынан пауэрлифтинг шебері Давид Дегтярев чемпион атанса, парадзюдошы Әнуар Сариев күміс жүлдегер болды.

Одан кейін парадзюдошы Теміржан Дәулет те күміс медаль алды.

Бүгін олардың қатарын парадзюдошы Зарина Байбатина толықтырды.

Осылайша Қазақстан 1 алтын, 3 күміспен жалпы командалық есепте 32-орынға жайғасты. Ал 28 тамызда қазақстандық спортшылар 25-орында тұрған еді.

Медаль алу бойынша Қытай көш бастап тұр. Оның еншісінде барлығы 103 (45 алтын, 29 күміс, 29 қола) медаль бар. Одан кейінгі орындарда Ұлыбритания - 60 (23-19-18), АҚШ - 40 (15-16-9) медальдан еншілеген.



Автор Әділжан Үмбет
Басты сөздер: Спорт, Олимпиада,
Жоғары қарай