Ауа райы
Астана -3 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

Павлодар облысында мас күйінде көлік жүргізген ауыл әкімі жұмыстан қуылды

2020 жылдың 9 қараша 2020 23:45

ПАВЛОДАР. ҚазАқпарат - Павлодар облысы Май ауданы Ақжар ауылының әкімі қызметінен босатылды, деп хабарлайды ҚазАқпарат.

Бұл жайында облыс әкімдігінің баспасөз қызметі Telegram парақшасында мәлімет таратты.

«Серік Құсайынов 2020 жылғы 9 қарашада Май ауданы Ақжар ауылының әкімі қызметінен босатылды» делінген хабарламада.

Еске сала кетейік, Ақжар ауылының әкімі осыдан бір ай бұрын 15 тәулікке қамалған болатын. Серік Құсайынов 10 қазан, сенбі күні Шығыс Қазақстанның Курчатов қаласында әкімдікке тиесілі қызмет көлігін мас күйінде жүргізіп келе жатқанда ұсталған.

Сонымен қатар шенеунікте көлікті басқару құқығын беретін құжаттар болмаған.

Сол күні полиция ауыл әкіміне қатысты Әкімшілік құқық бұзу кодексінің 608-бабының бірінші бөлігі бойынша әкімшілік хаттама толтырды.


Жоғары қарай