Ауа райы
Астана 15 °С
Алматы 19 °С
валюта бағамы
USD 405.69
EUR 455.51
RUB 5.72
CNY 57.42

Павлодар облысында мектептердегі компьютердің 50 пайызы ескірген

2020 жылдың 28 мамыр 2020 23:31

НҰР-СҰЛТАН. ҚазАқпарат - Павлодар облысының мектептеріндегі компьютерлердің 50%-ы ескірген. Бұл туралы ақпарат облыс əкімдігінде өткен кеңейтілген кеңесте мəлім болды, деп хабарлайды ҚазАқпарат pavlodarnews.kz-ке сілтеме жасап.

Облыстық білім беру басқармасының басшысы Дінислам Болатханұлының мәлімдеуінше, мектептердегі техникалық қамсыздандыру - білім беру саласындағы өзекті мəселенің бірі.

«Барлық мектептер кең жолақты интернетпен қамтылғанмен, 255 оқу орнында оның жылдамдығы 4-15 Мбит/сек, - дейді Дінислам Болатханұлы. - Интернет жылдамдығын кемінде 15-20 Мбит/секундқа дейін арттыруды көздеп отырмыз».

Оған қоса 29 ауылда интернет желісі əлсіз немесе мүлдем жоқ. Облыс əкімі Əбілқайыр Сқақов еліміздегі білім беру саласы əлемнің ең дамыған елдердегі қаржыландыру деңгейіне жетпесе де жұмысты барынша тиімді өткізу қажеттілігін атап өтті.

Жоғары қарай