Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Павлодар полициясы жалған вакцина паспортын сатып алған 200 адамды іздестіріп жатыр

2021 жылдың 3 тамыз 2021 17:27

ПАВЛОДАР. ҚазАқпарат - Павлодар полициясы жалған вакциналау паспортын сатып алған 200 адамды іздестіріп жатыр. Бұл туралы ҚазАқпарат Polisia.kz-ке сілтеме жасап хабарлайды.

Жедел-іздестіру шараларын жүргізу барысында Павлодар облысының полициясы мамырда Павлодар қаласының ауруханаларының бірінің төрт медицина қызметкерінің жалған вакциналау паспортын жасағанын анықтады. Олар электронды дереқорына COVID-19-ға қарсы вакцина салынғаны туралы жалған ақпаратты енгізіп, үшінші тұлғаларға сатқан. Осындай 200 жалған паспорт тәркіленді.

Аталмыш факті бойынша Қылмыстық кодекстің 2-бөлімі 385-бабы бойынша соталды тергеу жүргізіліп жатыр. Соталды тергеу барысында барлық керекті жедел тергеу шаралары жүргізілді. Қылмысқа қатысушылар хат алмасып, бір-бірімен хабарласып отырған ұялы телефондар тәркіленді, сонымен қатар медицина қызметкерлерінің жұмыс орнында тінту шаралары жүргізілді. Нәтижесінде кеңсе техникасы мен құжаттар тәркіленіп, оларға сәйкес сараптама тағайындалды.

«Павлодар облысының полициясы жалған вакциналау паспортын сатып алып, әрі қарай қолданысқа түсірген адамдарды анықтап жатыр. Оларға қатысты тергеу амалдары жүргізіліп, Қылмыстық кодекстің 3-бөлімі 385-бабы бойынша көрінеу жалған құжатты пайдаланғаны үшін қылмыстық жауапқа тарту туралы мәселе қарастырылады», - деп мәлімдеді Павлодар облысы полиция департаментінің бастығы Нұрлан Мәсімов.


Жоғары қарай