Ауа райы
Астана 4 °С
Алматы 3 °С
валюта бағамы
USD 388.96
EUR 432.21
RUB 6.09
CNY 54.99

Павлодарда алимент төлеуден жалтарғандардың 19 автомашинасы айып тұрағына қойылды

2019 жылдың 4 наурыз 2019 23:24

ПАВЛОДАР. ҚазАқпарат - Полиция қызметкерлері мүдделі органдармен бірігіп алимент төлеуден жалтарған адамдар бойынша жұмыс кездесуін өткізді, деп хабарлайды pavlodarnews.kz.

Бұл туралы облыстық полиция департаментінің баспасөз қызметі мәлім етті.

«Қазіргі таңда сот орындаушылары, прокуратура және полицейлердің бірлескен жұмысының нәтижесінде 24 көлік құралы анықталды. Оның ішінде жалпы сомасы 11 миллион 800 000 теңге көлемінде 19 автомашина ұсталып, мамандандырылған автотұраққа жеткізілді», - дейді департаментте. Алимент төлемейтіндердің екеуі жалпы сомасы 1 млн 500 000 мың теңге құрайтын қарыздарын сол жерде төледі. Қалған соманы сот орындаушылары автомашиналарға тыйым салу және сауда-саттыққа қою арқылы өндіріп алатын болады. Кездесу барысында қатысушылар осы бағыттағы жұмысты одан әрі жандандыру бойынша іс-әрекет алгоритмін әзірледі.

Басты сөздер: Көлік, ҚР ІІМ, Павлодар облысы,
Жоғары қарай