Ауа райы
Астана -23 °С
Алматы 3 °С
валюта бағамы
USD 387.16
EUR 428.47
RUB 6.08
CNY 55.13

Павлодарда автоцистерна жарылып, бір адам көз жұмды

2019 жылдың 23 қазан 2019 19:32

ПАВЛОДАР. ҚазАқпарат – Павлодар қаласында бокста тұрған автоцистерна жарылды. Салдарынан бір адам көз жұмып, тағы бірі жарақат алды, деп хабарлайды ҚазАқпарат тілшісі.

«23 қазанда сағат 17:53-те Павлодардың «101» пультіне Транспортная көшесінде орналасқан бокстағы автоцистернаның жарылғаны туралы хабарлама келіп түсті. Өрт сөндіру және апаттық-құтқару бөлімшелері келген кезде жарылыстың салдарынан шатырдың құлағаны, сонымен қатар 8 шаршы метр аумақта цистернаның жанып жатқаны анықталды», - деп хабарлады ҚР Ішкі істер министрлігі Төтенше жағдайлар комитетінің ресми өкілі Нұрсұлтан Нұрахметов.

Мәліметке сәйкес, құтқарушылар бірден құрылымдарды ажыратып, өртті сөндіруге кіріскен.

«Үйінділердің арасынан зардап шеккен бір адамның және ажал құшқан ер адамның денесі шығарылды. Шамамен 250 шаршы метр аумаққа үйінді құлаған», - деді ресми өкіл.

Өрт сағат 18:27-де ауыздықталған. Қазіргі уақытта үйінділерді тазарту жұмысы жалғасуда. Оқиға салдарын жоюға жеке құрамнан 30 адам мен 7 техника жұмылдырылды. Полиция қызметкерлері бокс алаңын қоршауға алды.

Иллюстрациялық фото
Жоғары қарай