Ауа райы
Астана -18 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

Павлодарда баласын далаға тастап, қашып кеткен әйелге қылмыстық іс қозғалды

2020 жылдың 27 қараша 2020 11:45

ПАВЛОДАР. ҚазАқпарат - Павлодар облысында баласын далада қалдырған ана ұсталды, деп хабарлайды ҚазАқпарат Polisia.kz ресурсына сілтеме жасап.

Павлодарда учаскелік полиция инспекторларының жедел іс-қимылының арқасында баласының өмірін қатерге тіккен 33 жастағы ана ұсталды.

26 қараша сағат 20.40-та полицияға Павлодар қаласындағы «Автовокзал» трамвай аялдамасының орындығынан 8-9 айлық азиат типтес бала табылғаны туралы хабарлама келіп түсті.

Көзбен шолып қарау кезінде балада көзге көрінетін дене жарақаты болған жоқ. Дереу бала туралы бағдар жасалып, аумақтық және шекара маңындағы аудандарға таратылды.

Жақын маңдағы барлық көшелер тексерілді, куәгерлер мен көрген адамдар сұралды. Жедел қызметкерлер мен учаскелік полиция инспекторлары қыс мезгілінде үлкен жұмыс атқарды.

Нәтижесінде учаскелік инспекторлар 32 жастағы жергілікті тұрғын басқарған «Toyota Camry» автокөлігін анықтады. Оның айтуынша, ол «InDriver» мобильді қосымшасы арқылы жолаушылар тасымалымен айналысады.

26 қарашада ол Семейден Павлодар қаласына баласы бар әйелді әкеліп, автовокзалға қалдырған. Екі сағаттан астам уақыт аралығында күдікті әйел ұсталды.

«Оқиға бойынша ҚР ҚК 119-бабының 1-бөлігі бойынша сотқа дейінгі тергеу басталды», – дейді Павлодар облысы полиция департаментінің бастығы Нұрлан Мәсімов.

Полиция қызметкерлері әйелдің жалғызбасты ана екенін, асырауында кәмелетке толмаған екі ұлы (9 жас, 1,2 жас) бар екенін анықтады.

Үлкен ұлы әжесімен бірге Екібастұз қаласында тұрады. Соңғы жылдары әйел Тараз қаласында тұрған.

Ұлын тастап кетуді алдын ала жоспарлапты.



Басты сөздер: Оқиға, Павлодар облысы, Заң,
Жоғары қарай