Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Президент Ақтоғай кен байыту комбинатын Тәуелсіздік күні қарсаңында іске қосуды тапсырды

2021 жылдың 11 мамыр 2021 19:51

НҰР-СҰЛТАН. ҚазАқпарат – Мемлекет басшысы Қасым-Жомарт Тоқаев KAZ Minerals тобы директорлар кеңесінің төрағасы Олег Новачукті қабылдады. ҚазАқпарат бұл туралы Ақордаға сілтеме жасап хабарлайды.

Қасым-Жомарт Тоқаевқа Ақтоғай кен байыту комбинаты құрылысының екінші кезеңі туралы ақпарат берілді. Заманауи және цифрлық технологиялар қолданылатын нысан пайдалануға берілгеннен кейін, ол әлемдегі мыс концентратын өндіретін ірі кәсіпорындардың қатарына қосылуға мүмкіндік алады. Жобаға 1,2 миллиард АҚШ доллары көлемінде инвестиция салынады. Мұнда қосымша 1200 жаңа жұмыс орны ашылады.

Президент комбинаттың құрылысын аяқтап, Тәуелсіздік күні қарсаңында іске қосуды тапсырды. Олег Новачук компания қызметкерлері Мемлекет басшысының тапсырмасын барынша қысқа мерзімде орындап, жоспарға сәйкес өнім өндіре бастайтынын айтты.

Қасым-Жомарт Тоқаевқа жұмысшыларға жасалып жатқан жағдай жайында, атап айтқанда, оларды баспанамен, азық-түлікпен қамтамасыз ету, бос уақыттарын тиімді өткізуді ұйымдастыру туралы баяндалды.


Басты сөздер: Қазақстан Президенті,
Жоғары қарай