Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Президент қаңтар трагедиясы кезінде интернеттің өшірілуі туралы пікір білдірді

2022 жылдың 29 қаңтар 2022 21:31

НҰР-СҰЛТАН. ҚазАқпарат – ҚР Президенті Қасым-Жомарт Тоқаев «Хабар-24» телеарнасына берген эксклюзивті сұхбатында қаңтар трагедиясы кезінде интернеттің өшірілуі туралы пікір білдірді, деп хабарлайды ҚазАқпарат тілшісі.

«Мұны мойындау керек. Менің сол кездегі әрекеттерім сияқты, бұйрығымды да ешкім жөндеп түсіндірген жоқ. Кейін барып қана мен қолмен басқару режимінде «ана жерде мынаны, мына жерде ананы айту керек» деген сияқты тапсырмалар бердім. Яғни, сізбен келісемін, «ақпараттық алаңда» ұтылып жаттық. Оған уақыт та жоқ еді. Білесіз бе, бәріміз көш кеткен соң ақылдымыз. Дәл сол кезде біз туралы кім не дер екен деп ойлап отыруға болар ма еді?», - деді Мемлекет басшысы.

Оның сөзіне қарағанда, Төтенше жағдай кезінде интернет өшірілмесе, оны пиғылы теріс топтар өз мақсатына пайдаланып кетуі мүмкін болған.

«Интернетке келсек, мұндай жағдайларда ғаламтор тек Қазақстанда ғана емес, бірқатар елдерде өшіріледі. Өйткені оны жосықсыз адамдар өз мақсатына пайдалануы мүмкін. Бандиттік топтар командирлерінің арасында ақпараттық тұрғыда өте жақсы, арнайы дайындалған адамдар болғанын атап өту керек. Яғни, дезинформация науқаны қатты жүрді. Фейктер құйылып жатты. Бұл да Қазақстанға қарсы осынау шабуыл тыңғылықты дайындалғанын айғақтайды», - деді Қасым-Жомарт Тоқаев.


Жоғары қарай