Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Президент судьялар корпусын жаңарту жұмысын жандандыруды тапсырды

2022 жылдың 21 қаңтар 2022 14:35

НҰР-СҰЛТАН. ҚазАқпарат - ҚР Президенті Қасым-Жомарт Тоқаев судьялар корпусын жаңарту жұмысын жандандыруды тапсырды, деп хабарлайды ҚазАқпарат тілшісі.

«Сот жүйесін жаңарту маңызды мәселе. Қазірдің өзінде біз іc-шаралар, оның ішінде заңнамалық сипаттағы шараларды қабылдадық. Соттарға жаңа кадрлар, құқықтық түрлі саласының, оның ішінде коропоративтік сектор мамандары шақырылуда», - деп атап өтті Мемлекет басшысы еліміздің ірі бизнес өкілдерімен кездесуі барысында.

ҚР Президентінің атап өтуінше, соның негізінде Жоғарғы соттың әкімшілік істер жөніндегі жаңа сот алқасы жасақталып отыр.

«Меніңше, сот мамандығына мықты корпоративтік заңгерлер мен адвокаттардың, оның ішінде өңірлерге де келуі инвесторлар мен бизнесмендердің мүддесін қорғау сапасын айтарлықтай арттырады. Бүгінде сот жүйесіне жаңа кадрларды қабылдаудың барлық мүмкіндігі бар. Жоғары сот кеңесі мен Жоғарғы сотқа судьялар корпусын жаңарту жұмысын жаңндандыруды өтінемін», деді Қасым-Жомарт Тоқаев.


Жоғары қарай