Ауа райы
Астана -7 °С
Алматы -1 °С
валюта бағамы
USD 421.58
EUR 496.83
RUB 5.53
CNY 62.20

Президент зорлау, браконьерлік, мал ұрлығына жауапкершілікті күшейту туралы заңды бекітті

2019 жылдың 30 желтоқсан 2019 18:56

НҰР-СҰЛТАН. ҚазАқпарат - Мемлекет басшысы «Қазақстан Республикасының кейбір заңнамалық актілеріне қылмыстық, қылмыстық-процестік заңнаманы жетілдіру және жеке адам құқықтарының қорғалуын күшейту мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды ҚазАқпарат Ақорданың баспасөз қызметіне сілтеме жасап.

Заң Мемлекет басшысының зорлау, браконьерлік, мал ұрлығы, есірткі тарату, өсімдіктер мен жануарлар дүниесін қорғау жөніндегі инспекторлардың, қорықшылық қызметінің өміріне қол сұғушылықтар, мас күйінде көлік құралдарын жүргізу, сондай-ақ бірқатар өзге де ауыр құқық бұзушылықтар үшін жауапкершілікті күшейту туралы тапсырмаларын іске асыруға бағытталған.

Сонымен қатар, Заңда бала асырап алуға жәрдем көрсету жөніндегі ұйымдардың жұмыс істеуі үшін құқықтық жағдайлар жасауға, шетелдіктерді міндетті тіркеудің күшін жоюға, қылмыстық және қылмыстық іс жүргізу заңнамасын оларды қолдану практикасы мониторингінің қорытындысы бойынша одан ары жетілдіруге бағытталған нормалар көзделген.

Заңның мәтіні баспасөзде жарияланады.

Жоғары қарай