Ауа райы
Астана -13 °С
Алматы -5 °С
валюта бағамы
USD 421.58
EUR 496.83
RUB 5.53
CNY 62.20

ПТР-анықтамасыз ұшып келген британдық Қазақстаннан депортацияланды

2020 жылдың 24 қазан 2020 11:50

НҰР-СҰЛТАН. ҚазАқпарат – Ақтау қаласына коронавирусқа ПТР-анықтамасыз ұшып келген Ұлыбритания азаматы еліне қайтарылды, деп хабарлайды ҚазАқпарат.

«24 қазан күні Ақтау қаласының әуежайынан ПТР-анықтамасы болмаған Ұлыбритания азаматы депортацияланды.

Сондай-ақ, 24 қазан түнінде 9 рейспен 1158 адам ұшып келген. Соның ішінде 951 жолаушының ПТР-анықтамасы болған, Қазақстанның 207 азаматында анықтама болған жоқ.

Рейстердің:

- 4-еуі Нұр-Сұлтан қаласына (471 жолаушы, оның 385-інде анықтама болды, 86 адам анықтамасыз);

- 4-еуі Алматы қаласына (588 жолаушы, оның 472-сінде анықтама болды, 116 адам анықтамасыз);

- 1-еуі Ақтау қаласына (99 жолаушы, оның 94-інде анықтама болды, 5 адам анықтамасыз) жасалды», - деп хабарланды ведомствоаралық комиссияның Telegram-каналында.

Анықтамасыз ұшып келген Қазақстан азаматтары ПТР-талдау тапсыру үшін Нұр-Сұлтан, Алматы және Ақтау қалаларындағы карантин стационарларына орналастырылды.

Жолаушылар Түркия, БАӘ, Беларусь, Мысырдан халықаралық әуе рейстерімен ұшып келген.


Басты сөздер: Карантин, Коронавирус,
Жоғары қарай