Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

QazVac-тың штамм құрамы өзгертілді

2021 жылдың 4 қараша 2021 20:41

НҰР-СҰЛТАН. ҚазАқпарат – Биологиялық қауіпсіздік проблемалары ғылыми-зерттеу институтының инфекциялық аурулардың алдын алу жөніндегі зертхана меңгерушісі Нурика Асанжанова отандық QazVac вакцинасының штамм құрамына өзгерістер енгізілгенін мәлім етті, деп хабарлайды ҚазАқпарат тілшісі.

«QazVac вакцинасы да басқа екпелер сияқты коронавирустың барлық жаңа нұсқаларына қарсы иммуногендік белсенділікке ие. Гетерологиялық вирустың жалғыз тиімділігі сәл төмен. Яғни қай жағдайда да тиімді. Вакцинаға коронавирустың жаңа штамдарын енгізу туралы айтсақ, оның тиімділігін арттыру үшін біз штамм құрамына өзгерістер енгіздік. Қазір ол тұрақтылық, қауіпсіздік және иммуногенділік бойынша бақылауда тұр. Біз жануарларға сынақ жүргіздік. Қазір реттеуші органдармен вакцинаның өзгертілген құрамын шығаруға рұқсат алу үшін келіссөздер жүріп жатыр», - деді зертхана меңгерушісі.

Еске салсақ, өткен айдың соңында QazVac вакцинасын жасап шығарған ғалымдар баспаналы болған еді.

Сондай-ақ, Қазақстан Мажарстан аумағында QazVac вакцинасын қолдануды ұсынды.


Жоғары қарай