Ауа райы
Астана -3 °С
Алматы -1 °С
валюта бағамы
USD 376.72
EUR 408.67
RUB 5.76
CNY 53.68

Ресей мектебінде қазақ тілін оқытатын сынып ашылды

2020 жылдың 18 қаңтар 2020 20:37

ТҮМЕН. ҚазАқпарат – Түмен облысында осымен үшінші қазақ тілі сыныбы ашылды, деп хабарлайды ҚазАқпарат Түмен облысы қазақтарының ұлттық-мәдени автономиясының президенті Есенғали Ибраевқа сілтеме жасап.

Бұл жайында ол өзінің Facebook парақшасында жазды.

«Бүгін Голышманово ауылындағы №4 орта мектеп базасында облыстағы кезекті үшінші қазақ тілі сыныбы ашылды. Сыныптың ашылуына орай концерт ұйымдастырылып, шашу шашылды, мерекелік дастархан жайылды. Түмен облысы қазақтары ұлттық-мәдени автономиясының бұл бастамасына Голышманово қалалық округінің басшысы Александр Ледаков қолдады. Қазақ тілінің алғашқы сабағына 40 оқушы, сондай-ақ ата-аналар, аталар мен әжелер келіп қатысты. Сыныпқа адам жинау әлі жалғасып жатыр. Ауылдарда қазақ тілін үйренгісі келетіндер баршылық» деп жазды Есенғали Ибраев.




Голышманово қазақтары ұлттық салт-дәстүр мен мәдениетті қадір тұтады, ұстанады. Көп жылдар бұрын дәл осы жерде Түмен облысы қазақтарының алғашқы құрылтайы өткен.




«Бүгінде біздің автономияның жергілікті бөлімшесін Дүйсенбай аға Бекқожинов басқарады. Олар ұлттық-мәдени жобаларды белсене жүзеге асырып жүр. Жергілікті оқушыларға қазақ тілін үйренуде сәттілік тілеймін», - дейді Түмен облысы қазақтары ұлттық-мәдени автономиясының басшысы.




Ендігі жоспар – дәл осындай қазақ тілі сыныбын Ишим қаласынан ашу.


















Автор Жанат Қапалбаева
Басты сөздер: Қандастар, Тіл, Ресей,
Жоғары қарай