Ауа райы
Астана 22 °С
Алматы 25 °С
валюта бағамы
USD 405.69
EUR 455.51
RUB 5.72
CNY 57.42

«Самара-Шымкент» трассасында 1 адам қаза болып, 8-і ауруханаға түсті

2020 жылдың 28 мамыр 2020 14:05

ҚЫЗЫЛОРДА. ҚазАқпарат – Қызылорда облысында «КамАЗ» бен жеңіл көліктің соқтығысуынан 1 адам қаза болып, 8-і зардап шекті, деп хабарлайды ҚазАқпарат Polisia.kz-ке сілтеме жасап.

Оқиға 27 мамыр күні сағат 15:30 шамасында «Самара-Шымкент» тасжолында болған. Жалағаш ауданы Аққұм ауылының тұсында шетелдік нөмірлі жеңіл машина мен «КамАЗ» жүк көлігі соқтығысқан.

«Салдарынан бір жолаушы мерт болып, сегіз адам медициналық мекемеге жеткізілді. ҚР Қылмыстық кодексінің 345-бабы 3-бөлігімен (автомобильдi басқаратын адамның жол жүрісі қағидаларын бұзып, абайсызда адам өлiмiне әкеп соғу) сотқа дейінгі тергеу басталды. Қылмыстық іс бойынша барлық қажетті сот сараптамалары тағайындалды. Мән-жайы анықталып жатыр», - делінген ақпаратта.

Қызылорда облысында жыл басынан жол ережелерін бұзуға қатысты 48 мыңнан астам факті тіркелген.


Жоғары қарай