Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Семейде ірі кәсіпорындарда вакцинация пунктері ашылды

2021 жылдың 22 сәуір 2021 15:21

СЕМЕЙ. ҚазАқпарат – Семей қаласында 10 мыңға жуық адамға коронавирусқа қарсы вакцина салынды, деп хабарлайды ҚазАқпарат тілшісі.

Осы жылдың 1 ақпанынан бастап елімізде COVID-19 инфекциясына қарсы ерікті вакцинация басталған болатын. Бүгінгі таңда Семей тұрғындары арасында екпе салдырып жатқандар аз емес. Бұл жайлы онлайн форматта өткен баспасөз мәслихатында шаһар әкімінің орынбасары Айдар Садырбаев мәлім етті.

«Қала бойынша 10 мыңға жуық адам ресейлік «Спутник V» вакцинасының бірінші компонентін алды. Ертең ҚР Денсаулық сақтау министрлігінің бекітілген кестесіне сәйкес, вакцинаның кезекті дозасының жеткізілуін күтіп отырмыз. Вакцина алғысы келген азаматтар тұрғылықты мекенжайы бойынша емханаға немесе Egov порталы арқылы өтініш беру арқылы тіркеле алады. Қауіпті дертті жеңудің негізгі амалы – вакцина екенін қаперде ұстайық», – деді ол.

Айдар Садырбаевтың айтуынша, Семейде вакцинация пунктері емханалар мен ірі кәсіпорындарда жұмыс істеп тұр.


Жоғары қарай